首爾石鍋燒 (已結業)

呢间韩国野系旺角本身有两间，应该有一间执咗，系朋友以前带过我黎食过几次，佢夸到明明系九龙湾返学都放咗学特登走过黎食咁变态😂🙈，虽然我都觉得佢地既野系几好食，不过都不致于咁吸引既。今日见好耐冇食，又去食下。之前多数叫豆腐锅乌冬，因为钟意食粉面类同饮辣汤。今次试下第二d，10几分钟就上到餐，我唔记得系捞之前影相，个饭既配料唔多，鸡肉普通，呢个价钱都正常系雪藏鸡，本身酱汁唔多，捞半匙辣酱辣度啱啱好。跟set有粟米蛋花汤同热饮，例汤清清地配个饭刚刚好，整体价钱味道同份量都合理。店舖装修黑色为主，灯光较暗，佢冇大枱，一大班人较难围埋一齐食，但总算系几个休闲午餐之选。