影片
更多
2022-12-11
103 浏览
乐富广场新开咗间餐厅，门面装修简约，但就系呢种简约嘅精致吸引咗我入去食！入到去坐低亦都坐得好舒服，望住幅山水壁画会有种以为自己去咗日本嘅感觉。肚饿到不堪嘅老公同我，嗌咗一份三重吉列定食、比目鱼柚庵烧御膳、牡蛎饺子、七味墨鱼咀，再一人一个嘢饮🤭分别系水果茶王同埋西柚玫瑰花果茶☺️比目鱼柚庵烧御膳黎到嘅时候我地都吓一跳，虽然餐牌上高嘅相系有好多碟唔同嘅前菜煮物，但估唔到每小碟嘅份量都好足，主菜嘅比目鱼亦都好大份🤣大份还大份，每一款汁煮小物、腌菜、凉菜、温泉蛋、面豉汤，全部都恰到好处！比目鱼充满鱼脂油香味，食落仲有淡淡嘅柚子香，令到鱼油香浓之余又唔会太腻口，不知不觉间就食晒成碗饭🥹唔小心已饱咗😂三重吉列定食会配另一款凉拌核桃鱼仔，另外要大赞嘅系会俾个磨砵你自己生磨芝麻，磨完再添加猪扒汁，系用黎点吉列猪扒用，即磨嘅芝麻香气四溢，而且浓稀可以自己控制，自己配搭。除咗猪扒，讲明三重吉列，仲有吉列大虾同吉列蚝！以呢个价钱黎讲，只虾咁大只真系完胜，而只蚝都好鲜甜，好好食☺️其实食完呢两个set都饱咗9成🤣都觉得自己会食唔晒牡蛎饺子同七味墨鱼咀，但系呢两样嘢都比想像中再出色啲！牡蛎饺子系店家自制，超浓郁嘅蚝
肚饿到不堪嘅老公同我，嗌咗一份三重吉列定食、比目鱼柚庵烧御膳、牡蛎饺子、七味墨鱼咀，再一人一个嘢饮🤭分别系水果茶王同埋西柚玫瑰花果茶☺️
比目鱼柚庵烧御膳黎到嘅时候我地都吓一跳，虽然餐牌上高嘅相系有好多碟唔同嘅前菜煮物，但估唔到每小碟嘅份量都好足，主菜嘅比目鱼亦都好大份🤣大份还大份，每一款汁煮小物、腌菜、凉菜、温泉蛋、面豉汤，全部都恰到好处！比目鱼充满鱼脂油香味，食落仲有淡淡嘅柚子香，令到鱼油香浓之余又唔会太腻口，不知不觉间就食晒成碗饭🥹唔小心已饱咗😂
三重吉列定食会配另一款凉拌核桃鱼仔，另外要大赞嘅系会俾个磨砵你自己生磨芝麻，磨完再添加猪扒汁，系用黎点吉列猪扒用，即磨嘅芝麻香气四溢，而且浓稀可以自己控制，自己配搭。除咗猪扒，讲明三重吉列，仲有吉列大虾同吉列蚝！以呢个价钱黎讲，只虾咁大只真系完胜，而只蚝都好鲜甜，好好食☺️
其实食完呢两个set都饱咗9成🤣都觉得自己会食唔晒牡蛎饺子同七味墨鱼咀，但系呢两样嘢都比想像中再出色啲！牡蛎饺子系店家自制，超浓郁嘅蚝味，食得出用咗好多蚝去打入啲肉馅入面，会有种明明食饺子但好似食咗只蚝嘅错觉🤣七味墨鱼咀上枱时我地都呆咗一下，平时啲墨鱼咀都系指甲咁上下大细，但系佢嘅墨鱼咀系成粒荔枝大细！！！以为系粉浆咩？唔系啰，系粒咀本身咁大粒😂炸得啱啱好熟，又唔会硬，好chewy，配搭七味粉亦都配搭得好好！结果呢两样都食下食下就食晒😂
最后都必需要讲埋两杯嘢饮，事关食到饱饱地，和歌山水果王冰茶起咗好好纾缓嘅作用，水果堆满喺杯入面，仲有热情果做底，酸酸甜甜好开胃🤣西柚玫瑰花茶热嘅话系玻璃茶壶上，仲会有个座枱小蜡烛一路㷫住佢。西柚嘅微酸搭住玫瑰花香，食饱晒之后饮系消滞满足嘅感觉☺️
可惜佢地新开暂时都系得主餐牌，如果有埋下午茶就正喇☺️
张贴
