Lamlam脷

营业中

休息中

搬咗舖后店面大咗唔少，可以有埋堂食。以前蛋糕好早就会卖晒，依家供应量应该都有增加，今日7点前去到仲有几款拣。千层蛋糕嘅口味会写系小黑板上，定时都会更新。本身系想食开心果口味，可惜已经卖晒。唯有拣咗另外两款热卖口味，都系剩返一件。朱古力流心千层蛋糕 $35千层蛋糕饼皮好薄，忌廉都好滑。流心朱古力酱主要集中系饼尖位置，味道都偏甜。而蛋糕表面嘅可可粉有少少苦味，一齐食就啱啱好。培茶千层蛋糕 $38培茶味好香浓，仲带有啲苦涩味。味道唔会好甜，食完都唔会觉得好腻。总括嚟讲，新舖位置比以前方便，食物一直都保持到水准。但下次要早啲去买，可以试多几款口味。