金記客棧 (已結業)

搭咗好耐车先入到去数码港，落车见到呢间餐馆就入去医肚先。五个人一人拣一碟𩠌菜，蜜汁叉烧好味，烧鸭都唔错(原本想食烧鹅，但太好卖)，蚬圣子同双腩煲就普通。价钱同大排档差唔多，但环境靓啲坐得舒服啲，唔错。食完唔够饱，再睇一睇餐单，有好多选择其实不经不觉已经到下午茶时间，于是叫咗份西多士同鸡翼薯条一齐分嚟食另外我叫咗杯窝蛋牛肉汁试试(由于未听过，叫之前问侍应系咩，佢好友善咁答我哋系牛肉汁加蛋，希望佢内心唔系笑我哋咩都唔识，哈哈)。我觉得杯嘢几特别易入口，不过有朋友试一啖就算。