犇之食堂 (已結業)

年三十放半日终于有时间收咗工可以去铜锣湾行年宵。喺行年宵之前当然要医咗肚先！年三十收炉要好好慰劳自己。喺Openrice见到呢间台湾野好似唔错，决定一试。虽然价钱唔平，但午餐时间都几多人等位，食物质素应该都有保证，我地大概等咗20分钟就入得。我哋叫咗一个犇之三宝面同一个麻婆豆腐饭，饮品就叫咗香芋奶绿(+$12)同芋圆奶绿(+$15)。犇之三宝面有牛腩、牛肚同牛筋。三样都煮得好冧，好入味。汤头好清无乜油，但有好香浓嘅牛味。面质弹牙有咬口，好食。个麻婆豆腐饭都煮得唔错，辣辣地好开胃，送饭一流。饮品系正常台饮质素，下次会试下奶盖系列，好似唔错。环境感觉好舒服，好有台湾食店嘅感觉，值得一提，员工服务态度好好，感觉好warmP.S. 佢个牛肉面面质好唔错，几好食，cashier隔离有得买独立包装，有4款味，大家有兴趣可以买黎试下。