神廚館 (已結業)

呢个月喺大角咀工作，我就衬呢个月好好咁食尽好多美食而平时又唔会黎嘅大角咀。放工后六点三黎到，太早一个人都冇。一早已经谂定食咩，当然系佢嘅招牌菜「招牌煎蛋海苔窝烧墨鱼饼饭」（$48）。首先饮果个紫菜白胡鱼汤，胡椒味好重，不过我几中意饮完都冇口渴嘅感觉。之后主菜来了！蛋煎得好好，有蛋汁可以捞饭。之后食墨鱼饼，佢外面果层个味好似天妇罗，不过仲要再香d好味d，我想尝试分外面果层出黎不过做唔到。块墨鱼饼确实比一般嘅墨鱼饼好味，好香，中间有墨鱼令到佢好有咬口。不过成个饭黎讲个感觉就有d干，成个饭就系靠蛋黄汁，但系好明显唔够捞饭。总括黎讲块墨鱼饼冇令人失望，但系如果个饭配到个啱嘅汁就更好了