燉 (協成行灣仔中心) (已結業)

1月28日下午经过湾仔，突然想食啲轻量餐嘅嘢，见到间“炖”，于是就走入去睇下有无下午餐茶先，竟然见到有个傻猪义烧包2个$18，而朋友就拣咗个梅菜扣肉饭$38。俾咗钱之后，大约等十分钟就有得食啦，当我见到个梅菜扣肉饭后，再加埋闻到阵味之后，哗，实在忍唔住即刻将啲梅菜同埋啲肉汁捞饭，真系好好味，唔油亦唔会好咸，不过梅菜真系多咗啲，而扣肉就少咗啲。食哂个饭之后，个包亦啱啱蒸好，第一眼见到个包觉得好得意，咬落个包就唔算好热，不过入面嘅馅就好热，但系食落就好好味。总结：食物水准比预期中好，价钱又合理，有机会一定会再光顾。