金蘭花泰國菜館

营业中

休息中

九龙城好多出名嘅泰国菜食，今次试依间环境就比较旧派，舖头位置都唔多，但都坐得舒服！两个人嗌左个生虾、马拉盏炒通菜、猪颈肉同菠萝炒饭share黎食个生虾好新鲜，完全无腥味，依到有埋炸虾头同虾尾，不过惊热气无试到个通菜就炒得麻麻地，可能系啲菜太老唔新鲜，有啲硬，好难咬！个烧猪颈肉好好食！烧得岩岩好，肉质系好嫩滑，完全唔会难咬，肉汁好丰富，真系忍唔住系咁食菠萝炒饭都好食，唔会炒到好干，好多肉松！野饮就嗌左泰式奶茶，不过依间个味同泰国饮就差得有啲远，个茶味唔太一样，有啲失望。但整体黎讲依间都中规中矩嘅，唔太差但都唔太特别话好好食，除左烧猪颈肉高质外其他无乜太突出。