華香雞 (已結業)

好多次经过见到华香鸡已经心郁郁想试下，听讲佢系老字号，啲鸡出名够滑，仲用上新鲜鸡，呢晚终于有机会嚟食下。 餐牌选择除咗有佢嘅signature华香鸡同茶香鸡外，仲有卤味小食，牛腩煲，白鳝煲等等，价钱又相当亲民。两口子乜都想试下，点咗华茶鸡半只再加金牌卤水饭。金牌卤水饭（$68）- 入面有鲜鸡肾、卤猪耳、卤腩片、卤猪手、卤鸡蛋，卤水够晒入味，唔错。个餐仲有白饭（可加$3转黄姜饭）、老火汤或饮品。华香鸡拼茶香鸡（半只 $118）- 华香鸡同茶香鸡两款口味都各有特色，华香鸡鸡入口嫩滑，鸡味浓郁。而茶香鸡则有茶熏香味，入口充满惊喜。点埋葱油同豉油食，味道更加正。 黄姜饭 - 带有淡淡姜黄味，配埋香嫩嘅鸡肉食，味道超夹呀。 餐厅标榜不添加味精、鸡精、糖精、醋精及香精，感觉健康好多。环境古色古香，充满传统特色，食物水准高，店员十分亲切有礼，值得捧场。