源發咖啡廳 (已結業)

趁小店结业之前，我同男朋友嚟咗光顾源发咖啡厅。当日人好多，要排10至15分钟先可以入到去餐厅。源发咖啡厅嘅装修好似返返去六七十年代咁样，店内仍然保留当年嘅地砖，墙壁仲有老旧嘅水墨画， 十分有怀旧风味。我哋点咗葱油猪扒饭，红豆冰，干炒牛河，热奶茶。葱油猪扒饭嘅猪扒煎到好香葱油同豉油同饭都好夹，非常美味。红豆冰嘅红豆去到杯嘅一半，非常抵饮。干炒牛河略嫌唔够咸，但非常有镬气。热奶茶茶味同奶味都好香浓。侍应话呢间餐厅嘅舖头业主要收返，所以必须结业，都非常可惜。