豬隊友

营业中

休息中

行过尖沙咀，口痕痕，经过K11后面嘅加拿芬道，原来已经变咗半条食街，有好多唔同嘅小店。其中见到呢一间应该系新开嘅小食店，有鸡蛋仔、格仔饼同炸物。个店名几得意，我自己都系肥仔一名，好有共鸣感，所以试吓。炸物有鸡髀、鱼蛋、烧卖等等。我好少食炸嘅烧卖，所以试吓。我唔食辣，拣咗椒盐味，取代咗一般食烧卖嘅豉油，几得意。新鲜炸起，外脆内软，正！鸡蛋仔都有好多唔同味道嘅选择，我拣咗比较特别嘅「法式柠檬芝士」味。鸡蛋味配上清新嘅柠檬味，好食。下次经过附近，都会再试。