原味家作

营业中

休息中

公司附近有原味家作，一直都想试下但又无机会，今日有时间就决定黎买个外卖试下。铺位系中信大厦2楼，都有唔少人排队，等左10分钟就有得自取，不过如果有得电话订餐就仲好啦，希望迟d会有啦！我拣左个卤水鸡翼饭，配节瓜汤，卤水鸡翼好入味，啖啖肉，又唔会太肥，大大只鸡翼食到我饱一饱，卤水汁仲可以捞饭食，虽然无菜唔系好健康，但一餐半餐就放纵一下啦！食完个饭仲有汤饮，个汤都好足料，好似住家汤咁好好味，又唔觉得好重味精，果然系主打无味精，无鸡粉既原味家作阿！我买饭个阵都见到又好多人会买原味家作既饮品，下次买takeaway 个阵又可以试下新野啦！