新泰東南亞餐廳 (已結業)

今日黎食系香港有唔少分店嘅新泰东南亚美食黎试下，而我同朋友今次就选左位于湾仔嘅分店试下。店内装修好有东南亚特式，好多四人或以上嘅座位。每个座系都好宽阔，一齐座都唔会逼逼埋埋一齐。几啱一班朋友黎食。但今次同朋友两个黎食。餐牌上菜式选择好多，有泰式有越式有马来西亚嘅菜式。我地今次点左冬阴功海鲜金边粉、马拉盏通菜、泰式生虾、青咖哩鸡、印度薄饼、青拧梳打同 三色冰。冬阴功海鲜金边粉 - 份量好足，粉同海鲜都好多有 青口、鲜鱿、鲜虾等。冬阴功唔会好辣，但就冬阴功味道够浓，啱晒香港人口味。泰式生虾- 全晚我最爱嘅 一道菜，生虾刺生够晒生鲜，辣椒蒜香比例啱啱好，加埋佢加酱同蒜片一齐食就更加正。好好味。青咖哩鸡- 味道好正宗，唔算好辣。青咖哩配上杂菜、泰式茄子、鸡肉。最啱就系配上印度薄饼一齐食。薄饼吸左少少青咖哩汁。咁样食最正。马拉盏通菜 - 炒得好够镬气同均匀，条条菜都食到马拉盏嘅味道青拧梳打，佢地系用泰国出产嘅 梳打水，连埋个瓶比你自己倒黎饮。个瓶仔好可爱。三色冰- 好多时去泰国食店饮嘅三色冰系求其加几条唔同颜色嘅啫喱，加少少椰汁就算。但呢度唔同，佢嘅三色冰系用一粒粒大粒嘅椰果。好有咬口。好饮好食