日溢中西美食 (已結業)

第一次写食评，岩岩食左E间都唔错，就写E间啦！环境几好，有卡位坐，有电视睇，正！三个人叫左西餐西冷牛扒拼薯菜配黑椒汁，椒盐猪扒饭，焗肉酱烟鸭胸意粉，三只炸鸡比，加3杯冻柠茶～好好味，特别系我点嘅西餐，个黑椒汁够辣够野味，块牛扒够嫩唔硬，最紧要嘅系够平，50几蚊一个扒餐，原本谂住咁平，d质素唔会好得去边，点知咁好食，good!其他嘅我朋友都话唔错，值得一提系椒盐猪扒饭，只汁好特别，同出面嘅餐厅好唔同，甜甜地辣辣地，好好味，就咁𩠌饭食都一流！焗肉酱烟鸭胸意粉味道都唔错，不过我嫌佢太多油～临走之前见到隔离枱食炸鸡比，我哋又口痕，叫咗三只炸鸡比，一人一只，但系就等左两三个字都未到，个侍应话鸡比系要生炸，所以耐d，不过最后都冇咁嬲，因为见到啲鸡比又香又脆又大只，就算拉，好野要等既～冻柠茶饮品就正正常常，冇咩特别～整体都唔错，下次会再来试其他野！