貓啡

营业中

休息中

Item: 貓啡
Rating: 5
Author: 69101683a13d411e8

CATFE

4.5

179 食记

味道

环境

服务

卫生

抵食

5077

旺角

$51-100

西式楼上cafe

154

69101683a13d411e8

等级1

我觉得食物好食！！！！
上次嗌咗抹茶拿铁（有椰奶𠮶只），觉得椰奶太甜了
不过今日都想饮甜嘢，嗌一样嘅饮品😗
结果今次有惊喜！今次唔系椰奶，而系椰浆✨
椰奶会冇咁香之余仲要比较甜，但椰浆就冇咁甜，甚至香好多！！！很好！！！请keep住用椰浆🥹认真好过椰奶（虽然都系肥仔水hehehe）

前几次都冇得嗌黑松露带子扁意粉，今日终于有机会试😟好！好！味！味道浓郁而充满香气，好似好油咁但其实十分清爽+顺口！菇都超级香口🙏🏻我本身唔系好钟意黑松露，但呢个真系100分😗谂咗好多点煮哈哈哈想偷师😋 但如果带子两面都煎就比较好了🥺🥺🥺
明太子蟹肉阔条面一样好食，蟹肉都多😋反正多人嗌，就唔多赞了
两碟意粉好味到同男朋友刮干净个碟👌
（细声）如果再多啲份量就好了…因为好好食…想再食多啲🥵

去过唔同地方嘅猫cafe，身为0️⃣吸猫，只吸狗嘅人士，我去猫cafe都需要勇气，有段时间甚至因为冇🐈肯接近我而伤心自卑咗好耐😅
第一次嚟猫啡嘅时候，啱啱坐低就即刻被kaka宠幸🫢吓亲之余又劲开心，不过双腿被kaka坐到就嚟需要截肢…但我都系好开心🥺佢仲要含情脉脉咁望住我，挂住同男朋友倾解嘅话，kaka就会用肉掌搭住我心口，望住我，好似讲紧：bae，look at me，唔好挂住倾解😘
猫猫热情又专一真系好难得🥺
同男朋友嚟几次，一直都系被kaka 豆钉瞓大腿，两只小可爱仲要有时跑走食嘢，食完就冲翻嚟揾我哋💛

虽然好开心好幸福好钟意呢个地方，但有样嘢要闹😑唔关猫猫餐厅职员事🥵
我明白大家都钟意猫猫，但某啲客可唔可以唔好当呢度夜总会？啲猫唔系可以俾你包过夜㗎😅

kaka一开始瞓我隔离个客身上，后尾个客离开去厕所，男朋友就陪佢玩咗阵，kaka都好开心，不停嗲我男朋友，仲即刻爬上我哋身玩，讲真我哋都系为咗可爱kaka而嚟。点知个客远处见到，即刻走过嚟阻止，用自己件外套包走kaka？？？？？
我同男朋友愕然，r晒头，以为系厨房职员（sor真心以为，因为佢得一件外套，冇拎其他随身物品）我哋嘅食物又到咗，所以就算了😅😅😅
点知后尾「阻止kaka同我哋玩」呢个行动至少重复5次以上😅😅我哋就细声讨论：kaka有咩事？点解唔可以离开𠮶个位？病咗？冇可能啊…
kaka有时会打其他猫，我哋清楚，但个客系赶走晒所有嘅猫经过😅下我哋坐隔离劲遭殃，我男朋友爱猫人士劲伤心，心情一直沮丧，好彩有豆钉陪住。我第一次见男朋友喺猫cafe打机嚟掩饰佢嘅尴尬同伤心😔😔😔 但佢都好坚持趁个客离开嘅时候把握机会同kaka互动，kaka都钻入佢嘅衫🥰 疯狂嗲佢🥹
个客见到就用衫包住kaka，并抱住佢瞓😅下？你买㗎？kaka系夜总会小姐啊？你指定㗎？要陪你过夜㗎？个客仲疯狂移动榻榻米嘅台，嚟扩大佢嘅地盘，方便佢瞓觉？？？？？？我同男朋友极度受到滋扰，但咁开心嘅环境，猫猫冇激烈反抗我哋都费事讲啲咩😀

后尾我用逗猫棒同其他猫猫玩，猫猫远处跑过嚟自然会因为兴奋而「漂移」，个客企我面前指责我：你唔好搞到佢（角落头瞓紧嘅kaka）啊！！！
我望住佢：😶
同猫猫玩嘅心情彻！底！冇！晒！
我以为我触犯咗咩大罪，然后被餐厅老细指责啊😍😍😍哇原来咁样猫cafe系有划分地盘俾每只猫㗎？？？哇原来同其他猫玩都系罪啊？？？
个客后尾继续骚扰kaka，无论kaka去边佢都死死跟住😀好啦当你惊kaka同其他猫打交啦，哇先生唔知以为你系恐怖情人啊😀一捉到kaka就要包住佢带走？kaka走劲多次都被佢跟😅成个跟踪狂咁
最尾kaka终于终于匿埋客人角落嘅座位里面，背对出面坐，跟踪狂发现人哋唔让位俾佢就不停远处观察，唔死心，呢种场面令我哋极度想呕，恐怖情况堪比犯罪现场🤮极度唔舒服
搞半日个跟踪狂先放弃，搞其他🐈，行为一样，只不过人哋唔理去，跑去嗲其他客。个跟踪狂即刻追过去？？？？大佬啊你咪咁癫啦😅😅😅好恐怖啊
呢个客搞到我哋心情超级差，所以出警示文俾大家。尤其系有唔愉快嘅经历，曾经被骚扰嘅客人🙏🏻小心遇到佢，真心有ptsd😅🙏🏻 都同各职员讲下，如果之后你哋见到有个女仔闹一个kam L，冇错，就系我🙏🏻唔洗理我哋，我唔想你哋难堪