影片
更多
2010-02-03
16 浏览
今晚朋友仔上黎我屋企帮我整屋...咁当然我哩位得个企同望字O既屋主要请朋友仔食返餐饭慰劳下啦~原本想食金凤...不过门口N多人...都唔知要等几耐...我地两个又劲饿...之前同男朋友食过哩间小馆...所以就转目标同朋友仔黎左哩间野晚饭行到去门口见到都要等位...不过少好多人第二张枱我地已经入得...一坐低我地就系咁叫野食我地两个人食左5样野淸炖羊肉汤葱爆羊肉 另配薄饼蒜蓉炒白菜仔羊肉馅饼酱牛脷面羊肉汤系我每次黎必食之选, 一来我钟意饮汤, 二来羊肉我都好喜欢食哩个汤唔多味精, 饮完都唔见口渴, 加埋粉丝同D汤一齐, 一流!!葱爆羊肉我今日第一次食, 我唔系咁食酱汁, 但系味道都唔错我觉得味道稍嫌浓左少少, 但系配埋薄饼就啱啱好啦^^蒜蓉白菜仔都炒得好靓, 虽然只系普通炒碟菜, 但系都炒得几靓睇得出唔系交行货羊肉馅饼又系另一个必食之选, 一定要每人一个, 如果情侣就可以SHARE一个因为里面D肉汁真系好多, 多到好似食紧小笼包咁, 新鲜热辣即刻食至正师傅煎到外皮够香脆, 里面肉馅又多汁, 不过唔好太大啖咬, 因为一定会漏汁咁就哂左, 而且里面好热, 辣亲条脷就唔好啦馅饼除左羊肉仲要牛肉
咁当然我哩位得个企同望字O既屋主要请朋友仔食返餐饭慰劳下啦~
原本想食金凤...不过门口N多人...都唔知要等几耐...
我地两个又劲饿...之前同男朋友食过哩间小馆...所以就转目标同朋友仔黎左哩间野晚饭
行到去门口见到都要等位...不过少好多人
第二张枱我地已经入得...一坐低我地就系咁叫野食
我地两个人食左5样野
淸炖羊肉汤
葱爆羊肉 另配薄饼
蒜蓉炒白菜仔
羊肉馅饼
酱牛脷面
羊肉汤系我每次黎必食之选, 一来我钟意饮汤, 二来羊肉我都好喜欢食
哩个汤唔多味精, 饮完都唔见口渴, 加埋粉丝同D汤一齐, 一流!!
葱爆羊肉我今日第一次食, 我唔系咁食酱汁, 但系味道都唔错
我觉得味道稍嫌浓左少少, 但系配埋薄饼就啱啱好啦^^
蒜蓉白菜仔都炒得好靓, 虽然只系普通炒碟菜, 但系都炒得几靓
睇得出唔系交行货
羊肉馅饼又系另一个必食之选, 一定要每人一个, 如果情侣就可以SHARE一个
因为里面D肉汁真系好多, 多到好似食紧小笼包咁, 新鲜热辣即刻食至正
师傅煎到外皮够香脆, 里面肉馅又多汁, 不过唔好太大啖咬, 因为一定会漏汁
咁就哂左, 而且里面好热, 辣亲条脷就唔好啦
馅饼除左羊肉仲要牛肉同(好似系)鸡肉选择, 唔食羊O既朋友都可以试到^^
酱牛脷面又系我今次第一次食, 牛脷唔系好似系街到食果D咁煮到淋哂
好有咬口, 烟烟UN UN感觉唔错
咪上枱之前见到佢话酱牛脷, 我仲以为系会好似烧鳗鱼咁一大PAT酱痴住哂
点知上到枱都唔系, 好啱我哩D唔食酱汁O既人^^
除左以上哩D, 佢D咖哩都唔错架, 都有好多人叫黎食
食到饱饱之后朋友仔都话我介绍得好, 不过我地实在叫得太多
最后都要打包拎走^^
喜欢食羊O既朋友, 哩个小馆实在唔可以错过
不过佢舖仔细细, 人多的话最好就早D去拎定位啦
事关我几次去都要等位, 兼且仲要搭枱添
仲要赞下佢O既系佢D服务态度, 几位姐姐D服务态度好好
有位男仕, 我谂佢系老板啦, D英文仲一流
上一次去有两个外国人入左去食野, 佢无餐牌畀佢地睇, 但系佢用英文介绍食物畀佢地
讲得有文有路, 真系睇唔出哩位UNCLE英咁好^^
张贴