華星冰室 (E-Max) (已結業)

九龙湾展贸中心附近茶餐厅不算少，但好食嘅却难揾。属连锁集团嘅华星冰室可算系信心保证。平日十二点半左右都好多人，不过如果只系一两个人来都揾到位嘅。我嘅选择系价值47元嘅常餐，当中包括火腿炒蛋多士、叉烧通粉（可拣意粉）再配热奶茶。火腿炒蛋多士真系算比较好食，叉烧通粉嘅叉烧味道都系非常出色，可惜叉烧份量偏少，热奶茶味道ok、符合预期。47元一个常餐偏贵，但呢个都会系我想久不久来食午餐嘅地方。