川之源

营业中

休息中

朋友一向好钟意食辣野， 佢话见到西环有间川菜馆好想试，就约左星期六一齐去试下。餐厅位置都唔难揾，喺西营盘站c出口，大约行两三分钟左右就到。起初我都怕啲食物会太辣食唔到，但细心既店员提议我食bb辣， 话系一般人都接受到既辣度。酸菜鱼片（无骨）鱼片份量十足，肉质嫩滑，而且无骨啖啖肉，配料有酸菜粉丝蒜头等等索哂汤汁既精华，汤底酸辣度十足之余但不会呛喉。四川凉面面质爽口弹牙既幼身面条，酸辣惹味，系充满四川既地道风味。清炒油麦菜炒得清甜爽口又唔油腻，唔错。手工饺子菜同肉嘅比例刚刚好，饺子皮唔会太厚，系我最钟意既韮菜饺。桂花冰粉桂花味香清甜， 食完辣野再食呢个冰粉即刻解辣，感觉透心凉！