Nutmad (已搬遷) 新店位置

Nutmad @ 观塘平时好少去工厂大厦食嘢，所以上到去以为自己行错🤣间铺唔算大，11:30半开，因为惊冇位，所以好准时去到🤣不过都建议大家book咗位先，因为都几full吓餐厅环境干净企理，开放式厨房，大家都好忙咁准备紧啲菜👍🏻lunch选择唔算多，不过都系我钟意食嘅嘢，所以又选择困难症🤣套餐都系配搭汤同嘢饮，汤系薯仔汤，味道都几唔错。主食我最后拣咗意大利粉，好好味呀，有一片片嘅cheese，脆脆地，咸咸地，好香，配搭嘅烟肉又甜甜地，所以好夹好好味😍😍朋友就拣咗open sandwich ，朋友都好满意，份量都几足。最后加咗个法式多士做甜品，好大份好好味，加上呍呢拿雪糕，真系好满足🤣🤣唯一觉得一般嘅系杯美式咖啡，酸咗少少。