串本屋 (已結業)

今日去到佐敦探一个朋友，由中午吹水吹到夜晚，听佢讲屋企附近有间几好食嘅串，所以就跟佢去食下。餐厅位置唔算好起眼，但系入到去，地方虽然唔大，但坐得几舒服，我哋两个因为好肚饿所以都叫咗好多嘢嚟share：月见自家制免治鸡肉棒 日本蛋配免治鸡肉，食落好重蛋香，而且令到鸡肉棒更加滑身，入面嘅鸡肉好嫩滑，抵赞蒜香封门柳串 呢个重口味人士必试，上面有好多蒜蓉，食落超重蒜香味， 我觉得都唔错，唔会好韧露笋豚肉串 来到我最钟意嘅豚肉串，调味调得好好，有埋芦笋嘅脆脆口感日本甜蕃薯仔 甜蕃薯仔软绵绵，而且有种接近蜜糖嘅甜味，可以当系甜品咁食炸蟹肉薯饼 薯饼炸得够干身唔会油，入面 好creamy，不过就唔系好重蟹肉味麻酱捞乌冬 呢个捞乌冬超级无敌惊喜，首先上面已经有好多鱼籽，仲有青瓜丝同蟹柳，食落乌冬嘅质感超正，系超级烟韧个一款，夏天配埋串烧食真系一流，可以降温再食多两串盐烧日本鸡软骨 鸡软骨好味，软骨脆卜卜，连埋侧边嘅小小鸡肉，口感好好盐烧牛舌心 特登叫咗牛舌心，果然冇令我失望，一啲都唔会难咬，好软三文鱼籽黄金酱烧元贝 元贝来到超大只，上面有好多三文鱼籽，黄金酱其实有少少似沙律酱嘅，食落甜甜地，都几开胃芝