亞萊泰 (黃大仙中心北館) (已搬遷) 新店位置

亚莱泰早几个月以来过一次，感觉这家餐厅的食物性价比高，非常抵食，而且佢无加一就更化算啦！餐厅主打泰国及东南亚菜，选择不少。店员亲切有礼，更向我们主动推介甜品选择呢！泰式虾饼：虾饼的份量非常多，有三大件，每件都厚厚实实，如果两个人食完都几饱㗎 ！味道非常唔错，作为餐前小食系不错的选择。泰式海鲜湿炒可：海鲜份量好多，有虾、鱿鱼、蚬、菜……湿炒可的汁够味，所以河粉都好够味。河粉亦都炒得几香口。蒜蓉炒椰菜苗：椰菜苗不嬲都好味，只需用蒜蓉炒，清清的就好够味，食到我唔停口。印式烧饼：我哋虽然今次冇点咖喱，但都点左两客印度薄饼，皆因见到个饼真系好香好味。热辣辣又充满牛油味，好香好正。椰汁西米糕：椰汁西米糕入边加咗芋头，令到口感特别左，唔太甜，味道刚刚好。椰汁炖燕窝：呢个系店员姐姐推介嘅，而家做紧特价， $40有找，热热嘅椰汁里面有好多碎燕窝，滋补又养颜。最后佢嘅饮品有部份做紧买一送一嘅优惠，我哋都叫咗两杯泰式饮品，味道都唔错。