Plato (已搬遷) 新店位置

今天和朋友喺油麻地行完街，之后想揾个地方食西餐，但系喺油麻地有水准嘅西餐厅唔多， 好彩行行吓畀我见到喺中华书局后面有一间， 门口有个大邮筒，好抢眼，就和朋友入内食晚餐。餐厅面积不算大，幸好有大落地玻璃窗，扩阔视野空间，令餐厅感觉宽敞 。侍应送上餐牌，因为行完街好肚饿，我哋各自要了一个晚餐，因为想健康啲，所以加多一个炒蘑菇。我要嘅系德国脆皮咸猪手餐，而朋友就要咗 美国安格斯西冷牛扒餐。法式龙虾汤龙虾味香浓，汤不太稠，加上忌廉更香滑。德国脆皮咸猪手做法颇正宗，猪手好入味，肉质嫩滑，外皮焗得很香脆，有点似食乳猪皮，无论沾芥茉酱或烧汁，都可以食到猪肉香味。最贴心的是上桌前已代切好，免却客人麻烦，值得俾个 “like" 佢。美国安格斯西冷牛扒配牛油焗薯仔粒、西兰花和沙律菜，牛扒鲜嫩有牛味， 估唔到嘅系连薯仔都焗得好好味。蒜蓉炒杂菌杂菌份量颇多，充满香蒜牛油味， 加上黑椒粒，更加惹味。晚餐包括$28以下的饮品，我们选择了柠檬生姜茶，浓郁的姜味加上淡淡柠檬香，暖胃又顺喉。