Thai Kitchen (已結業)

平时都有经过呢一间泰国外卖餐厅，但系因为佢冇堂食，所以从来都冇帮衬过。今次，因为疫情关系，所有餐厅都唔可以堂食，所以就试吓呢一间专做外卖嘅餐厅喇～我哋今次喺OpenRice叫咗一个泰国海南鸡饭($68) 同埋一个香叶炒辣猪肉碎荷包蛋($58)，然后选择到店自取。以上两个都系原价，用咗OpenRice抗疫外卖自取优惠券之后，减左$30，所以Total只系$96🥳😋泰国海南鸡饭($68)朋友食完呢个话觉得一般，冇乜太大特别，啲鸡肉有少少干。同埋平时食海南鸡有三个汁，但佢就剩系得一个汁。但整体来讲都算可以，同埋几大份，又有充足嘅蔬菜。😋香叶炒辣猪肉碎荷包蛋($58)呢一个超级好食，好香口，有酸味又有辣味，仲有少少汁，好啱用嚟配饭食。不过唔系好食得辣嘅就可能会觉得太辣，但系我就觉得啱啱好，辣得几过瘾。同样都系好够蔬菜，我觉得配搭几均衡。整体来讲觉得佢呢一间嘅餐都算大份，同埋唔太贵，不过一定要外卖就可能有啲唔方便。