曼谷車站

营业中

休息中

今日到得宝商场稳朋友，朋友介绍有间大众泰国菜「曼谷车站」味道几好，呢个商场似迷宫😂好彩餐厅整佐指示牌好快就稳到，舖头装饰成车站咁，都几特别！堂食卡座都好阔落，似一卡卡车厢，好有趣！午餐套餐都好便，四十至五十几蚊包嘢饮，点佐两个套餐两个小食都唔晒两百真抵食！泰式炒金边粉：用泰式酱炒，支几点新鲜青柠檬汁，酸酸甜甜唔辣，粉丝唔算太淋，有虾、豆腐干、花生碎，都几好味。冬荫功炒饭：份量都好多，酸酸辣辣好惹味，仲有一个荷包蛋。串烧（半打）：牛肉猪肉鸡肉各两串，配上沙爹酱，好啱口味。炸春卷：外皮好脆，里面包菜，热辣辣好食。午市套餐好优惠，仲有好多选择，下次再帮衬试试其他嘢。