影片
更多
2007-05-31
6 浏览
寻晚一时兴起,约同几个死党晚饭,我睇食评已经知呢度掂,但无奈几次都去唔成。寻晚终于约齐人去,晚上七点我屋企楼下集合,坐我老友部车去到,到达后另一老友收工亦到,一行五人坐低即叫。叫【香辣生蚝煲、黑椒猪手煲、金银蛋浸苋菜、烧鹅半只、豉油王吊筒、干饱鱼四份& 酥皮炸软壳蟹】,同埋饮好多支【蓝带】大樽装啤酒。香辣生蚝煲→因我唔食生蚝所以唔知点,但我朋友话ok!黑椒猪手煲→我觉得味道好浓郁好味,口感都唔错,又唔太辣,下次一定再试。金银蛋浸苋菜→好大份量,味道鲜,但我觉得较淡味,但绝对ok 。烧鹅半只→同深井烧鹅比较系差一皮,唔够热皮唔够香脆,用$100元食半只烧鹅,我觉得抵食过一只鸡。豉油王吊筒→吊筒好新鲜,鲜嫩芽菜铺底,豉油味适中但豉油太少,但都好味。干饱鱼四份→虽然好细只,约三吋乘二吋以内,但口感一流,饱汁绝对好味,伴碟西兰花好鲜好脆,正!酥皮炸软壳蟹→炸得好,好脆好味道,佐酒一流,下次又一定要食!门外有十几个免费自泊车位,但泊满即止,最好晚上七时半前到达,否则好难有车位。酒家内装修我觉得ok , 就算围村士绅度摆宴席,我都觉得绝对可以,内里冇乜柱位,我估计可以摆廿围左右,一眼就可睇哂全场及
香辣生蚝煲→因我唔食生蚝所以唔知点,但我朋友话ok!
黑椒猪手煲→我觉得味道好浓郁好味,口感都唔错,又唔太辣,下次一定再试。
金银蛋浸苋菜→好大份量,味道鲜,但我觉得较淡味,但绝对ok 。
烧鹅半只→同深井烧鹅比较系差一皮,唔够热皮唔够香脆,用$100元食半只烧鹅,我觉得抵食过一只鸡。
豉油王吊筒→吊筒好新鲜,鲜嫩芽菜铺底,豉油味适中但豉油太少,但都好味。
干饱鱼四份→虽然好细只,约三吋乘二吋以内,但口感一流,饱汁绝对好味,伴碟西兰花好鲜好脆,正!
酥皮炸软壳蟹→炸得好,好脆好味道,佐酒一流,下次又一定要食!
门外有十几个免费自泊车位,但泊满即止,最好晚上七时半前到达,否则好难有车位。酒家内装修我觉得ok , 就算围村士绅度摆宴席,我都觉得绝对可以,内里冇乜柱位,我估计可以摆廿围左右,一眼就可睇哂全场及龙凤厅。
侍应服务好但可能人手唔多足够,平日晚饭已经差唔多爆满,我估计星期六日及欲众假期,可能好难揾位。
价钱绝对经济抵食,比起好多大排档更抵,环境都算企理干净,上菜速度非常快。
饮差唔多四大支啤酒,食七大样菜,款款份量非常巨大,加埋人头白饭,埋单都系五佰五十元左右,个人觉得超抵食,下次绝对一定再~
张贴