影片
更多
2018-11-28
133 浏览
之前去台湾食过台式臭臭锅，一路都念念不忘。听朋友介绍尖沙咀开左间专食臭臭锅嘅餐厅--8锅臭臭锅，系时候要去怀缅一下啦！今日天气有少少转凉，激起左我想食辣嘅意欲，所以今次挑战台式麻辣锅，仲要系食最辣辣度！再另外叫杯芒果鲜奶沙冰，等我一时冲动都有番杯冻饮补底～酱料系三款常见调味料，鼓油、蒜泥、沙茶酱。店方都几有心思，讲左最佳比例(3+2+1)，等唔识嘅人可以依法炮制，亦可因个人口味自行调配，每个人都可以食到自己钟意嘅酱。芒果鲜奶沙冰先上，好有台式饮品嘅特色（尤其包装），沙冰口感唔错，芒果味有D淡，不过饮得出系唔想抢牛奶味，整体上几清新，不过不失。等左一阵，火锅一出现系我眼前就知道今次不得了，只能用四个字形容--鲜血沸腾！锅内红到好似用辣椒油做汤咁，更夸张嘅系净系蒸气已经攻到我流眼泪，唔知系感动嘅泪水定系后悔叫太辣嘅泪光呢。麻辣锅配料十足，多到差d 装唔哂，净系讲摆盘都十分有气势，够叠马丫嘛。有娃娃菜、冻豆腐、金菇、炸枝竹、青豆角、牛肉片、麻辣饺、甜不辣、鱼蛋、猪红、沙白、米血糕、大肠、鱿鱼圈、泡面、呜门卷，另外我加左碟牛肉片同粉丝。整体而言麻辣锅水准十分唔错，辣味劲道十足，配料比我预期更多
今日天气有少少转凉，激起左我想食辣嘅意欲，所以今次挑战台式麻辣锅，仲要系食最辣辣度！再另外叫杯芒果鲜奶沙冰，等我一时冲动都有番杯冻饮补底～
酱料系三款常见调味料，鼓油、蒜泥、沙茶酱。店方都几有心思，讲左最佳比例(3+2+1)，等唔识嘅人可以依法炮制，亦可因个人口味自行调配，每个人都可以食到自己钟意嘅酱。
芒果鲜奶沙冰先上，好有台式饮品嘅特色（尤其包装），沙冰口感唔错，芒果味有D淡，不过饮得出系唔想抢牛奶味，整体上几清新，不过不失。
等左一阵，火锅一出现系我眼前就知道今次不得了，只能用四个字形容--鲜血沸腾！锅内红到好似用辣椒油做汤咁，更夸张嘅系净系蒸气已经攻到我流眼泪，唔知系感动嘅泪水定系后悔叫太辣嘅泪光呢。
麻辣锅配料十足，多到差d 装唔哂，净系讲摆盘都十分有气势，够叠马丫嘛。
有娃娃菜、冻豆腐、金菇、炸枝竹、青豆角、牛肉片、麻辣饺、甜不辣、鱼蛋、猪红、沙白、米血糕、大肠、鱿鱼圈、泡面、呜门卷，另外我加左碟牛肉片同粉丝。整体而言麻辣锅水准十分唔错，辣味劲道十足，配料比我预期更多更好食。下面讲下我觉得最好食最推介个几款：
麻辣饺，皮薄又唔轫，成只饺由外而内吸左汤汁，馅料多汁又入味，正！
牛肉片，肥瘦度适中，牛味几足，乃火锅必备之物。
炸枝竹，索哂汤汁之后口感一流，味道浓郁。
猪红，整体上好结实，啖啖爽口弹牙，唔错！
沙白，食得出系几新鲜，鲜甜味道配上重辣味，非常好食。
一路食一路辣到抖大气，但又几过瘾，食得辣嘅朋友一定要试！
虽然店面主打臭臭锅系一人锅，实际份量我谂一男一女都够食，价钱仲平过放题火锅，物超所值。呢度食物好、价钱亲民、环境服务都唔错，绝对会有下次！
张贴
