傷心酸辣粉 (聯和道)

营业中

休息中

自从东铁线延长到金钟后，基本上真系来往香港南北，贯穿新界港九都咁方便，所以放假就去一去北区觅食。讲开北区，一定就谂起联和墟，个度出名系揾食好去处。今日我就去左平时系市区都见到的伤心酸辣粉，因为我见到佢有卖鸡煲放题，平时食开辣嘅都知佢有一手，我谂鸡煲佢都应该唔差挂。前往方法：粉岭站转乘78A/70K/73B/79K巴士，约5分钟便到达 或 步行约15分钟价钱：午市88/位，晚市108/位，价钱的确够实惠，仲包埋野饮任饮，抵食呢个鸡煲真系色香味俱全，由于我地食唔到太辣关系，所以叫了BB辣，但仍然食到佢好丰富既味道。所选配料亦都系有好多款，菜类肉类一应俱存。菜类：包括娃娃菜、生菜、莲藕、萝卜片、昆布、云耳…肉类：鸡肉、牛肉、猪肉、猪红、牛丸、猪肉丸、芝心丸、烧卖…饮品：啤酒、可乐、雪碧、纸包茶饮…此外，我地仲叫左一份鸡丝海蜇同埋佢的招牌菜—伤心酸辣粉，好彩有BB辣拣，起码我地唔会食到喷火，但系个种食辣既满足感系哂度。