Mee...lemongrass (已結業)

今日行铜锣湾GU，见门口有间马来餐厅，干净企理，都几火爆，都肚饿了，就喺度解决晚餐。睇下menu都几多嘢拣，泰式小食，星马美食，价钱喺铜锣湾都算抵食既然餐厅主打马来喇沙同海南鸡饭专门店，当然就叫左个招牌喇沙同海南鸡饭套餐。【招牌喇沙】好大份，配料劲丰富，大虾 蚬肉 蟹柳 鱼蛋 豆卜 鸡丝 鸡蛋，细食嘅可能都食唔晒。钟意马来喇沙因为唔似咖喱咁辣咁热气，小小甜甜地，粗面同米粉配搭口感更有嚼劲，层次更丰富。【招牌无骨海南鸡饭】又系好大份。有埋油饭，菜心，餐汤。见到个酱料唔似其他餐厅有三格，不过我次次都系点红色辣汁，所以冇姜蓉反而好啲。鸡肉都新鲜，鸡皮好薄好软糯，唔肥，配埋花生同青瓜丝，爽口又开胃。【马拉盏炒秋葵】成日食通菜，今次见到有秋葵好特别。秋葵火候差小小，硬左D，不过都爽口嘅。马拉盏好入味，有秋葵嘅清香同蒜蓉味。甜品系【椰汁西米糕】摆盘好精致，唔会太甜，面头嘅椰糕都几厚，唔错。两人四个送，超饱，人均$143，好抵。细食嘅可以一人一个餐已经好饱。