刀鋒寶貝 (已結業)

睇到Ig介绍就黎一试，铺头唔大，夜晚7点几接近8点仍然要等位， 好彩等左20分钟左右就有位。一入门口已经见到好多文宣要隔1.5米有啲枱唔用得，画功几好 😆嗌左驰名嘅鸡脾饭， 同埋是日精选入面嘅其中一款蒜香牛展饭 (你拣是日精选入面嘅饭店铺会捐钱去黄圈)驰名嘅鸡脾饭果然名不虚传，只鸡脾大到遮左半个碗， 加埋啲肉燥， 几乎完全见唔到啲饭 😂😂 鸡脾外皮脆， 入面肉唔柴， 几好味;蒜香牛展饭， 虽然用料唔算特别， 但啲蒜成功令牛展味道更突出， 我觉得个配搭简单得黎几好味 牛展又好腍唔怕咬唔开跟住再嗌多个红油抄手，呢个不得了，啲汁超好味，好快食哂， 唔够喉要同男朋友争食最后一粒 又平又抵食，成间铺头嘅野食价钱都唔贵，平均$3x起跳， 价钱亲民又好食又黄， 店铺入面都好干净， 绝对可以encore, 住附近嘅唔好错过。