Misocool (已結業)

寻日同同事经过赫然发现有一间分店开左系附近, 当然今日上去食啦!谂住无得book位就早d去, 点知12点几去到都唔够其他人早, 已经坐左大半了...好彩咁o岩窗口有3个位, 对住街外, 一坐低感觉好搞笑, 好似自成一角咁! 睇住个餐牌原来都几多款拣, 佢唔算有set lunch, 只系一碗碗面/饭加$20就变成餐, 多2个前菜 & 饮品如果唔要餐叫饮品都要$18一杯, 讲真, 系局你叫餐架, 你唔叫餐咪饮水啰~可惜呀, 价钱都算ok贵...$50-70一碗面/饭, 再加埋餐都$60-90, 太夸张了! 所以最终我都决定唔叫餐, 只叫一碗带子拉面猪骨汤底本来佢有地狱汤底, 经过查询后听闻都真系几辣, 嗯, 下次先试~ 拎黎个阵见到个碗好得意, 高低边既面既份量唔多, 带子既样同menu都跟大家一样系好唔同, 不过只系细粒左少少已经算系咁喇, 再讲, menu张相有6粒带子, 佢都一样有6粒呀, ok啦! 带子煮得略嫌有点老, 唔够爽口, 不过有带子味, 至少唔会雪得太劲吧猪骨汤底非常好味, 虽然feel到食完好口渴, 都肯定有味精架喇拉面非常好味, 爽口都几弹牙份量对1个女仔黎讲系ok的