博多拉麵別天神 (已結業)

话说小妹今日屋企无煮饭，娘亲又早放工，咁我地两个就决定出街食好西。嚟到旺角见到呢间博多拉面别天神，门外人头涌涌，通常食肆多人排就实好食，所以就决定入去试下先。餐牌小妹点咗呢个别天神套餐，套餐已包豚骨拉面、饺子4只、仲有小龙虾蟹子沙律，价钱都几实惠。讲讲食物质素先，拉面汤底浓郁，面底烟韧，叉烧就肥美，未算系入口即融，糖心蛋嘅蛋黄系流心嘅，总括黎讲，拉面系出色嘅。呢只饺子应该系啱啱煎起就上碟，皮又薄又脆，𥚃面啲肉汁好多，食完会觉得好满足。个人建议，4只饺子其实真系唔够喉，下次带埋条仔去食一定要嗌多几只。总括嚟讲，呢间餐厅嘅拉面同饺子都颇为出色，小妹决定下次一定要带条仔黎试。