程班長台灣美食 (已結業)

要到荔枝角搅啲电子产品维修，做完都下午茶，上开饭网发现呢间台式餐厅，我唔知佢在台湾系唔系出名，最紧要好味！仲要好近维修中心，行过去都唔使5分钟，工业大厦1楼，地方几大，下午茶时候无乜人，店员都说国语，坐低比份点餐卡（过胶可以画完再用，几环保）再叫我去收银落单，食物款式多，自己喜欢台湾面汤底好浓香！落单后攞埋号码牌回座位等食物，店员会送上，餐具要自取！牛肉干拌面（$45）：卖相靓，捞埋一齐食，面质似刀削面，不规则形状，烟烟韧韧！好喜欢呢种质感，酱汁好浓，净食会好咸，拌面食就刚好，中间夹杂啲豆干粒，牛腩好入味，肉质唔韧，肥瘦相间，仲要唔黏牙，中间夹啲爽口青瓜，增加口感又解腻（如果多啲就更好，卤蛋入味但蛋黄太实，唔煮咁熟会好啲！红豆芋圆（$28）：店员会留意住我食晒面先上甜品（我无开口要求，好窝心）甜汤足料，芋圆有两只色，不过味道无大分别，烟烟韧韧，红豆大粒，呢个甜汤，唔起沙，同广东红豆沙唔同！几特！店员有礼，声音好娇嗲！地方装修虽然平实，干净企理！可惜今日只有一个人，试唔到好多款式！