Ocio (已結業)

见杂志介绍呢间餐厅，话佢既拿破仑每日限定，于是专程黎试下。OCIO系豚王隔离，唔难揾。OCIO并唔大，只有约10张台，虽然有下午茶，但我一心想试其他野，所以拣左all day breakfast ($59) 同芒果开心果酱拿破仑($29)。all day breakfast都几大份(特别系条肠，都几巨!巨肠!)，炒蛋加左鲜奶炒，都几香滑，但waffle就一般，林林地，但总体都不错，$59有咁既份量同质素都算系几好。食完个all day breakfast后其实都饱，所以两人share左个拿破仑，旨在试下件饼。d皮好酥，并不如其他食评所讲既咁差！中间夹心既酱甜度适中，并唔会太甜，配合埋个皮同伴碟既朱古力酱&开心果仁刚刚好! presentation亦好吸引，个拿破仑算系有惊喜! 推介!!美中不足既系个环境,当日成29度，但餐厅内冷气不足，叫左侍应开大D个冷气先发觉个冷气已开到最大!加上射灯，男友一路食一路出汗，离开时，竟然发觉街仲凉过间餐厅!! 到夏天时点算! 莫非要冬天先黎得?! 另外，想讲间餐厅唔知系唔系厨房抽气不足，成间餐厅都有一阵油烟味，希望呢两点都可以改善下啦!