Joyful Dessert House (已結業)

前几日，有啲冇脑既司长话黄色经济圈乜乜乜，又物物物，所以呢几日我早午晚加埋下午茶都行咗入黄店支持吓。大家努力加油，我咁大个人，食乜野，点洗钱吾洗司长操心。。 今日行完旺角，试吓《Joyful 》既下午茶☕️ 门口写住下午茶送饮品，亦见颇多既米芝连推介，即刻带埋老婆入去试吓。我叫左《杂果窝夫》，太太就想试吓招牌既《芒菓拿破伦》。窝夫等左十分钟热上，杂果有士多啤梨粒，芒果粒，苹果粒同埋香蕉片。窝夫面有小雪糕球伴碟，甜品要求全达。佢个《拿破仑》坚做得好。上碟笃落去可以完全一分为二，因为中间既饼片系新鲜 *脆*既，若果餐厅将佢摆入雪柜就会吸左水气，啲饼片韧左就切吾开了。今日件蛋糕既饼片脆到好似薯片咁，比 《cova》或五星酒店既甜品部做得更好，难怪系米芝莲推介。赞！伴碟亦跟了小芒果味雪糕球，侍应姐姐表示有其他口味可作自选改动。墙上清一色自己人既挂墙装饰，我念「坚持」同「加油」吾系单向既，我哋都希望《Joyful 》继续加油落去，keep 住好既成绩同出品。 甜品推介： 👍🏻👍🏻👍🏻👍🏻