影片
更多
2023-01-28
2171 浏览
前排口利福推出左Black Series Menu, 每位✨$388就可以食到多款招牌菜😋 感谢朋友帮手订枱。口利福系位于上环苏豪区嘅一间新派中菜，装修别树一帜，整体以红色为主，中西风格俱备。服务方面亦同样带有西方原素，虽然食嘅系粤菜，但侍应系外国人，menu亦系英文，非常有特色。✨虾多士x大阪烧刚炸起嘅虾多士上加上左大阪烧酱汁，上面亦加满左生菜丝同木鱼粹，味道可圈可点。✨重庆辣子鸡翼炸至金黄香口嘅鸡亦上加满左辣椒，就咁望落成碟都系红色，但其实食落并唔系好辣，几过瘾。✨翡翠姬松茸素饺素饺味道都唔错，略嫌口感较为黏腻。✨炭火蜜汁黑豚叉烧餐厅招牌菜嘅叉烧，真系超级好味！外层有非常厚嘅蜜糖，中间嘅肉肥瘦均匀，口感嫩滑，系我食过最好味嘅叉烧之一。✨烟熏脆皮三黄鸡脆皮三黄鸡同样十分出色，外层嘅脆皮有淡淡嘅烟熏香，鸡肉嫩滑，带少许鸡油香。✨姜葱头蒸海鲈鱼柳本来对鱼柳冇咩好感，但佢地嘅蒸鱼柳令人有喜出望外嘅感觉！鲈鱼柳去滑后以中式嘅蒸法煮熟，火喉控制得恰到好处，口感嫩滑，蒸鱼豉油同香葱味亦刚好弥补左鱼肉唔够鲜美啲缺点，非常好味😋整体而言味道令人满意，系相当高水准嘅粤菜！但就唔推荐佢地嘅cocktai
口利福系位于上环苏豪区嘅一间新派中菜，装修别树一帜，整体以红色为主，中西风格俱备。服务方面亦同样带有西方原素，虽然食嘅系粤菜，但侍应系外国人，menu亦系英文，非常有特色。
✨虾多士x大阪烧
刚炸起嘅虾多士上加上左大阪烧酱汁，上面亦加满左生菜丝同木鱼粹，味道可圈可点。
✨重庆辣子鸡翼
炸至金黄香口嘅鸡亦上加满左辣椒，就咁望落成碟都系红色，但其实食落并唔系好辣，几过瘾。
✨翡翠姬松茸素饺
素饺味道都唔错，略嫌口感较为黏腻。
✨炭火蜜汁黑豚叉烧
餐厅招牌菜嘅叉烧，真系超级好味！外层有非常厚嘅蜜糖，中间嘅肉肥瘦均匀，口感嫩滑，系我食过最好味嘅叉烧之一。
✨烟熏脆皮三黄鸡
脆皮三黄鸡同样十分出色，外层嘅脆皮有淡淡嘅烟熏香，鸡肉嫩滑，带少许鸡油香。
✨姜葱头蒸海鲈鱼柳
本来对鱼柳冇咩好感，但佢地嘅蒸鱼柳令人有喜出望外嘅感觉！鲈鱼柳去滑后以中式嘅蒸法煮熟，火喉控制得恰到好处，口感嫩滑，蒸鱼豉油同香葱味亦刚好弥补左鱼肉唔够鲜美啲缺点，非常好味😋
整体而言味道令人满意，系相当高水准嘅粤菜！但就唔推荐佢地嘅cocktail,虽然用金色招财猫装住几得意，但饮落有啲似清洁剂味。
服务方面，本来我地都几满意，店员相当热情好客，第一印象几唔错。但本来朋友特意准备左生日惊喜，希望可以在甜品上插上蜡烛，但店员好似完全忘记左😅要我地提醒先记得，呢度扣左分。
张贴
