Bonjour烘焙坊 (已結業)

第一次去诚品尖沙咀分店，好开心见到台式面包店。我喺店内拣来拣去，又想试芝士包，又想试柑橘朱古力包，又想试合桃包......选择困难症又发作了，点算好呢？最后竟然俾我发现有assorted breadg卖，由面包师传每日精选5款面包，虽然每件只有约1/4件﹝每袋HK$26﹞，但非常适合我呢D患有选择困难症既人。回家后，先试芝士包，芝士味浓，可惜真系好细块，对我呢D「面包怪兽」嚟讲，真系到喉唔到肺。提子包就比较普通。合桃包内既合桃香脆，食完有余香。最出色系柑橘朱古力，酸酸地既柑橘同朱古力竟然系绝配，朱古力碎比较一般面包店大，有咬口，朱古力味相对较浓，配以柑橘，唔太漏！下次一定要encore！