Yo Yo SHAKE (已結業)

近来湾仔开左好多细店，全部都系卖有特色既食物，今次自己一个人走去试下呢间奶昔店YO YO shake个名唔知仲以为系YO MAMA既分店，但系佢地卖既奶昔款式口味好多，同埋有雪糕配搭，单单睇佢地既餐牌，我自己无选择困难症都谂左几分钟先决定要佢地推介特色，最后叫左个梦之雪岛，但系佢地话卖左云喱拿雪糕，咁我唯有改要朱古力狂迷。单睇上面个餐牌，真系少少头晕，都系简单叫食佢地既推介雪糕款式唔算太多，但可以自由配搭或者跟佢地既推介食法。朱古力狂迷($38)，朱古力奶昔、朱古力雪糕，黑朱古力，先试左一啖奶昔，口感比较流质，鲜奶味好滑，朱古力味适中，再食一啖雪糕，口感比较化，似系奶昔既雪硬左版本。黑朱古力唔算太苦涩，容易入口。总括黎讲，呢个全朱古力既配搭系少少撞味，而且朱古力雪糕既朱古力味比奶昔整淡左，而且亦比较快溶，食到一半雪糕已经溶到同奶昔，虽然奶昔既味道几好，但呢种全部同一款味道既菜色其实反而令顾客试唔到各样野原本既味道，或者下次我要番其他口味，应该可以食到各样野味道出黎。