麵屋一平安 (已結業)

今晚同屋企人来呢度食饭，虽然八点几，但都无人等位。我地坐左一阵，就有热毛巾俾我地抹手。真系几好，而且好快有茶饮。我地叫左两个拉面、牛俐。前菜我连野食都未叫，就有野俾我食！果似系芽菜配一小旧既鱼，又有泡菜味，都唔知食紧乜。薄烧牛俐整得好入味，但我觉得个份量太细。而且薄切无咁好食，我都系钟意切粒既牛俐，个口感好好多。腩肉拉面个汤底系猪骨汤，个汤好清甜又好饮。但猪肉就比较韧，好难咬开。炸鸡拉面等就等得几耐，但都系值得既。炸鸡新鲜炸好，肉汁丰富，够哂juicy。如果炸鸡既份量多点就好啦，因为唔多够喉。仲有，我饮左大半碗汤都唔太口喝，无乜点落味精。侍应经常帮我地加水，唔错，实有下次既。