Mo Mo Kushiage (已結業)

老公最爱食日本料理，趁佢生日午餐带佢黎食一餐有特色日式定食！呢间mo mo kushiage 主打日式串扬，姐系日式炸串，瞬间就令我谂起大阪嘅出名炸串！餐厅装潢走日式浅木和风，都挺有居酒屋感觉。周末都有午市定食餐牌，另外餐厅主餐牌、刺身、黑板推介都做紧7折优惠最正系酒类饮品买一送一，唔同款都得，以贵果杯计！巨峰乳酸，酒精浓度较低，似提子味芬达。趁住7折优惠就叫左明太子，口感脆卜卜咸鲜味十足，做佐酒小食一流。芝麻鸡翼 皮脆juicy, 好味！叫了两份午市定食～串扬鸡定食 （4串串扬鸡胸、南瓜沙律、泡菜　、面豉汤） 南瓜沙律嘅南瓜蓉非常顺滑，另有蛋、花生增加口感。面豉汤好多菇菌好足料！串扬鸡分别有酸梅、明太子、芥末同芝士4种口味。炸串有甜辣味增酱、味增酱同自制红酒酸汁3款酱汁供应，最解腻的当然沾红酒酸汁啦！日本A4和牛西冷定食（半份）$298同样有前菜、汤品及米饭A4和牛油脂感重，富牛油香，食落入口即溶，沾盐食更添牛味。