嚮和風料理

营业中

休息中

🇯🇵🍛🥢好味日式咖喱饭✨qr code 落单，免加一✅黑芝麻牛肋野菜特式饭 -$72特色饭系指南瓜粟米饭，喺饭里面有唔少南瓜蓉同埋粟米粒增加口感。如果唔要特色饭嘅都可以拣白饭或者乌冬。多饭要加$4，食量细嘅都可以选少饭。呢个黑芝麻咖喱真系好特别，完全唔知道原来黑芝麻同咖喱系可以咁夹，成碟咖喱都系黑色，黑芝麻味十分香浓之余，都食到咖喱独有嘅香料味，微辣惹味，用QR code点餐可以叫多汁。加上呢个咖喱嘅质地并唔稀，完全感受到系落足料煮出嚟。牛肋肉煮到好腍好入味，容易入口。除左肉，里面有多款野菜，包括两件西兰花、一件椰菜花、三件翠玉瓜、几件薯仔、一粒蕃茄仔、几条豆角及红萝卜，全部野菜嘅口感都煮得刚刚好，红萝卜好入味，蕃茄仔烧香咗一咬就爆汁，而翠玉瓜比较爽口，配搭真的是十分出色。入座后店员会随即奉上一杯麦茶，都几好饮几香，付款后取回收据一星期内再用餐可以有九折优惠。