Akoya

营业中

休息中

今次黎到呢个Akoya酒场，环境好日式，好有日式居酒屋既感觉，座位够晒阔，岩晒一班朋友一齐慢慢食住倾计，真系好舒服企理。听到酒场呢个名都知佢呢有各式各样既酒卖，主要都系日本酒，清酒之类，但佐酒小食都一样咁高质。沙律就正正常常，菜好新鲜，无乜汁，岩晒d注重健康既朋友。明太子蛋卷就好有特色，因为蛋卷够晒厚身，而明太子又够多，食落有多重口感，味道好正。海胆汁烧蚝，海胆汁好浓厚，卖相十分之吸引，生蚝都够晒大只，配埋黎食，味道好夹，果然够出色。炭火串烧拼盘方面，有本人最爱既烧鸡心，够晒大粒，食落好弹口，真系佐酒小食入面既最正之选。另外，烧鸡中翼同烧全翼都好正，烧到有少少焦，岩岩好火喉，食落好有炭香。最后个一夜干，好特别，够晒咸香，烧得够干身，好惹味香口。