影片
更多
2021-09-27
60 浏览
今日去左住旺角既朋友屋企house warming, 然后晚上落左楼下一间新既居酒屋食晚饭,叫做千府, 入面好似一间小酒馆咁~享受左美好既一餐~呢度既店员超好服务，一入餐厅坐低之后，已经好贴心咁样同我哋介绍茶单，全部店员嘅语气都好温文尔雅，令到成间餐厅好有日本气质👍👍首先我哋叫咗个千府卷，似乎系呢度嘅招牌，卖相好吸引，面有好多三文鱼子，下面就有啲三文鱼之类既鱼生，好足料，口感好丰富。然后我哋就叫啲串烧，首先叫咗个鸡肾，朋友好钟意食内脏，但系我就唔系好好内脏嘅，佢话呢度嘅鸡肾好爽口，所以我都试咗一粒，又真系好爽口，同埋唔会有平时啲内脏𠮶种难闻嘅味，呢一个内脏嘅小菜我都觉得几好！然后佢就继续叫咗猪大肠，猪大肠对我来讲就太油腻啦，我减紧肥，唔敢食太多，佢就不断食，食到停唔到口，佢话超级好味，外面脆脆地嘅皮，入边就琳琳地嘅内脏，口感好立体。之后就叫咗一个牛舌，牛舌来讲呢度真系超级高质！个口感一流，够晒弹牙，而且好多汁！非常好味！仲有佢嘅肉汁都烧得非常惹味，有成六件，非常足料，好抵食，我哋两个都食到停唔到口！之后我就叫咗杯嘢饮，叫做樱花梳打，个摆盘好得意，识发光，我都系见到隔离枱叫咗，觉得好吸引
呢度既店员超好服务，一入餐厅坐低之后，已经好贴心咁样同我哋介绍茶单，全部店员嘅语气都好温文尔雅，令到成间餐厅好有日本气质👍👍
首先我哋叫咗个千府卷，似乎系呢度嘅招牌，卖相好吸引，面有好多三文鱼子，下面就有啲三文鱼之类既鱼生，好足料，口感好丰富。
然后我哋就叫啲串烧，首先叫咗个鸡肾，朋友好钟意食内脏，但系我就唔系好好内脏嘅，佢话呢度嘅鸡肾好爽口，所以我都试咗一粒，又真系好爽口，同埋唔会有平时啲内脏𠮶种难闻嘅味，呢一个内脏嘅小菜我都觉得几好！
然后佢就继续叫咗猪大肠，猪大肠对我来讲就太油腻啦，我减紧肥，唔敢食太多，佢就不断食，食到停唔到口，佢话超级好味，外面脆脆地嘅皮，入边就琳琳地嘅内脏，口感好立体。
之后就叫咗一个牛舌，牛舌来讲呢度真系超级高质！个口感一流，够晒弹牙，而且好多汁！非常好味！仲有佢嘅肉汁都烧得非常惹味，有成六件，非常足料，好抵食，我哋两个都食到停唔到口！
之后我就叫咗杯嘢饮，叫做樱花梳打，个摆盘好得意，识发光，我都系见到隔离枱叫咗，觉得好吸引于是我都叫一杯！个味道比较似可乐，但系带少少樱花嘅味道。
最后我哋就叫咗甜品埋尾，呢个甜品真系非常好味！首先佢个外观已经好似一个爆发紧嘅火山，非常得意，令人联想起富士山，然后佢系抹茶味，佢嘅抹茶布丁口感好正，非常软，入口即溶，唔会太过硬，而且上面嘅忌廉都打得好好味，两样野加埋一齐非常夹，再加埋佢嘅日本红豆好高质，系甜甜地嘅红豆，佢成个配搭食落去非常好味！绝对系一个好完美嘅结尾！
下次嚟探佢都要喺度食！
张贴
