老掌櫃東北菜館 (利奧坊)

营业中

休息中

话说有次去荃湾同一班朋友食饭，去咗海之恋商场嘅分店，好多人之余，印象麻麻哋，味道普普通通而已，今次去到大角咀，朋友话食呢间，我本来都有啲保留，但系朋友就话呢间唔同，系本店，以前呢度未有新商场，仲系旧楼唐楼旧舖哋时候，已经好出名，好有水准，于是就俾多次机会佢试吓，真系唔同㖞！感觉比荃湾分店系真系有水准好多，食得出厨师真系有心机做菜。今次叫咗唔系好多嘅，北京填鸭、高力豆沙系招牌菜，好多人叫，另外我哋又叫咗东北酱骨架，呢个味道就淡咗啲但系肉质都几好，另外叫咗红油抄手、秋葵、肉冻等等，本店同分店原来真系有分别架。