老掌櫃東北菜館 (已搬遷) 新店位置

某日同朋友讲开突然间好想食东北米，之后就即兴去食东北菜，刚好揾到原来呢间餐厅都几出名架㖞，即刻去试下。我地两个人大概等咗半个钟，一路等一路谂唔知仲有无片皮鸭食呢 (因为原来要订架)，结果都未坐暖就即刻问下好彩有半只，即刻要咗佢，另外再叫羊肉饼、糖醋排骨，成餐饭都好满意啊!片皮鸭半只份量都好多，色泽均匀、油脂丰富，一上碟就已经飘嚟好香嘅炭烧味，配合大葱、青瓜等一齐食用，一入口香味已经散发整个喉咙，真系好好食啊!糖醋排骨，上碟已经好悦目，甜酸度平衡得好好，炸浆唔算太厚，捞饭食真系可以食十碗。羊肉饼，肉和葱的比例好好，两者互相配合减低油腻感，而且饼皮好薄，每一啖都食到充满上汤嘅馅料，推介!