龍鳳祥餃子館 (裝修中)

近排要去佐敦上堂。所以会起佐敦揾好野食。起OPENRICE 见食评唔错 所以就黎试下。目测铺面唔算大廿几三十个位左右。咁岩行到铺头有人走先唔洗等位。鸡丝双酱冷面 $ 54 鸡丝、红萝卜丝、青瓜丝、红椒丝及蛋。双酱系花生酱及麻辣酱。浓淡口味自己选择。花生酱好香麻辣酱不算是太辣。我就两碗酱差唔多倒晒落去。面条软硬适中、鸡丝唔鞋口 ! 鸡丝拌粉皮 $21酱汁个味同冷面个花生汁一样。所以下次会二选一。粉皮晶莹剔透、爽滑。呈条状。如果份份再大少少就好啦~韭菜猪肉饺 $42有8 只 , 大大只、韭菜同猪肉份量一比一。皮薄馅靓~ 咬落去满满汤汁,正!