沖繩二段料理 (奧海城二期)

营业中

休息中

好少黎奥海城食饭，唔知食乜嘢好，行行吓去咗佢嘅大食代food court，感觉上好多选择。见到其中一间叫冲绳二段料理，从来未听过亦未食过，所以就尝试吓。佢嘅Menu有好多种选择，好多𩠌我从来未食过，只系睇名都觉得好新奇但唔会奇怪果种，味道配搭好特别。谂咗好耐，最后决定叫咗明太子乌冬锅蜜糖芥末鸡，明太子汤乌冬好鬼好味，好creamy，creamy得黎又带些明太子味同口感，乌冬系好滑果种，淋淋地又唔会话连面中间都淋晒，10分满分我会比13分。蜜糖芥末鸡食得出蜜糖的甜，芥茉的辛口，鸡亦有腌过嘅味道，所以我觉得好好食。另外叫咗个樱花虾明太子蒸饭配乳酪布甸鸡 。樱花虾明太子蒸饭香口味道淡淡地唔会话好浓，配搭鸡就一流岩岩好 。不过个蒸饭我个人觉得湿左些少 。乳酪布甸鸡，就真系将炸鸡上于乳酪布甸，可能太新又唔系好熔埋一齐咁，所以我觉得麻麻，下次可选第二啲𩠌 。加左个饺子，味道正常。最后唔少得个甜品，佢嘅donut烟烟韧韧非常好食。