Cafe首爾

营业中

休息中

今次叫几样野食,整体黎讲都唔错既,首先紫菜包饭,非常普通既包饭,材料当然都一D简单既野,鸡蛋,青瓜,蟹柳同埋酸瓜咁样,其实就唔太钟意食酸瓜,不过食落只系会有一阵阵既酸味,算开胃,所以都接受到,不过依都有D特别,唔似用普通米,但又唔系日本个D珍珠米,食落口感好好,又唔会话好饱,当小食一流。炒年糕都做得唔错,颜色方面已经吸引左我地,香味系另一种吸引,年糕够哂烟韧,又唔话煮得唔够时间所以好硬,辣酱加埋年糕本来已经一绝，再埋加埋芝士,食落又唔算太浓，DD芝士味用黎点缀下,食起上黎都好过瘾，因为够哂辣一定追住食,但又食唔到太快因为要咬,好得意。另外就系一个泡菜煎薄饼,唔错嫁依个都,薄薄地唔会厚最紧要系煎得够脆，泡菜煎起上黎都好香,又有少少章鱼粒做配料,口感好多层既一款小食,唔错。