海南雞公主 (已結業)

喺上环返工三年几，附近既餐厅都食到闷闷地，所以特别留意新餐厅。有人行过摩利臣街，见到有间感觉清新既小店，望一望餐牌，见到午餐大约系$50-60，价钱都算合理，就入内一试。第一次黎当然要试下佢招牌既海南鸡饭，饭可以拣鸡油饭、白饭或者五谷饭，酱就有三款，包括面豉酱、海车鸡酱同埋姜葱酱。我拣左油饭、特色面豉酱同海南鸡酱。饭盒有三部分，先食个沙律，呢个冇得拣，唔知系咪日日换款呢。今日系青木瓜沙律，酸酸辣辣咁，唔食得辣既我觉得还好接受到，不过呢个份量够喇，再多少少就顶唔顺。海南鸡份量都几多，有两层，有肶位亦都有胸位，不过全部都好滑，亦都有鸡味，唔会系雪藏感觉。面豉酱有少少辣，鸡酱就系甜既，我钟意先食辣，后食甜，有两个酱呢个idea几好，令味道更丰富。油饭够热，但系略嫌硬左少少，特别系冻左之后，我会钟意软D。甜品系一件椰汁糕，上层系软淋淋既白色椰汁糕，下层少少透明，口感似大菜糕，有少少咸味，味道正宗。堂食可以一边望下街景，感觉都几写意。$62喺上环唔算特别贵，不过主打外卖黎讲亦唔算平，如果可以包一小杯饮品，或者甜品有多一旧就感觉抵食D。