漁匠屋

营业中

休息中

上个月特登黎食，点知冇开门，今日终于食到喇，好开心！同男友7:30黎到，唔驶等位，可能平日关系，入面座位唔多，order 枱有12个位，再加bar枱4个位，如果假期想食，真系要早啲黎。我地要左一个三色海胆饭，同埋刺身饭。主菜未到，先有一碗海澡汤，同埋一片烟薰芝士，老板娘仲好细心叫我地食左芝士先饮汤。好快就到主角出场，非常期待！！海胆舖满饭面，再加生蛋黄，捞生蛋黄我都系第一次食。可能我觉得海胆够新鲜，所以唔捞生蛋黄我已经觉得超正！三款海胆，最鲜甜系深橙色，自从喺北海道涵馆食过海胆后，呢度既海胆真系拍得住。刺身饭有牡丹虾，吞拿鱼腩，海胆，油甘鱼，鱼子，鲜甜不在话，仲要每件切身都系厚切，每一啖都好有口感。能够喺屯门有一间咁高水准既日本丼饭舖头，真系难得，单睇价钱，会觉得贵，但以食物质素黎讲，一啲都唔贵。