秋田火鍋海鮮丼浜燒專門店 (已結業)

前排约左屋企人去香港公园影相，难得有相机跟身，就揾间靓仔少少既餐厅试下影食物相。路经湾仔，朋友话不如食丼，就上网揾下，黎到呢间秋田海鲜丼。坐底望望餐牌都几多选择，价钱就见人见致啦，不过食丼系咁上下。我叫左碗火炙3色丼，试完影就即刻大快朵颐，实在太肚饿。首先讲下个帆立贝，好大粒，比想像中更大，以为会同餐牌有分别，点知都好大粒，又够厚，赞！之后就试个三文鱼，本人就比较喜欢无火炙啦，但都不错。值得一题就系个吞拿鱼，正到颠，火炙完之后，鱼油出哂黎，好味到不得了，有机会一定要试下，返唔到转头。